Семејството на 63-годишен маж кој почина во март во централна Франција од „тромбоза“ откако ја прими првата доза на антиковид вакцината на AstraZeneca, покрена тужба против непознато лице за убиство од небрежност.
Државниот обвинител Анција Вероник Денизо потврди дека тужбата е поднесена. Тоа не е прва тужба во Франција во врска со вакцината на британско-шведска компанија. Во Тулуз беше покрената тужба против неидентификувани лица по смртта на 38-годишна жена, а обвинителството во Нант отвори прелиминарна истрага по смртта на студент по медицина.
Париското обвинителство може да ги разгледа тие тужби како групен случај.
Регионалниот весник Le Dauphiné libéré прв објави за тужбата за смртта на 63-годишникот. Весникот наведува дека роднините на починатиот човек посочиле што се случило до Француската национална агенција за безбедност на лекови, која наредила дополнителни информации за да се утврдат причините за неговата смрт.