Младиот крилен напаѓач роден во Нови Сад досега ги бранеше боите на Македонија, но отсега ќе игра за Србија.
Владан-Влада Новески е 18-годишен фудбалер кој најмногу игра како десно крило, иако се снаоѓа и на спротивната страна, а и како централен напаѓач. Роден е во престолнината на Војводина во ноември 2002 година и уште од У16 репрезентацијата игра за земјата од каде потекнува, Македонија.
„По разговорот со директорот Никола Лазетич, донесов, заедно со родителите, дефинитивна одлука да по четигодишни настапи за сите катогории на Македонија, заиграм за Србија. И ќе ми биде чест“, вели тој денеска, а изјавата ја пренесува ФСС.
Фудбалскиот сојуз на Србија има нов директор на младинските катогории кој уште по доаѓањето на функцијата рече дека приоритет ќе му биде да ги врати во Србија сите талентирани фудбалери кои се родени и играат во Србија, а репрезентативно ги бранат боите на други држави (како Новевски), или се дел од српската дијаспора и настапуваат за земјите во кои се родени.
„Едноставно проценката ми е дека ќе имам подобри услови за развој, довербата на која наидов во Фудбалскиот сојуз на Србија ми гарантира дека ќе имам добра работа и се надевам на делосна афирмација. Во Војводина сум од пионери, ги познавам повеќето играчи во сите селекции и на мене останува да се наметнам преку напорна работа. Сакам да ѝ се заблагодарам и на Фудбалската федерација на Македонија за сѐ што искусив во младинските селекции“, заврши сега веќе поранешниот македонски репрезентативец.
Новевски ги бранеше боите на македонските репрезентации до 16, 17, 18 и 19 години, а сега ќе игра за У21 репрезентацијата на Србија.
Сезонава во најдобрата лига на Србија запиша 5 настапи за тимот на Војводина.
