Младиот состав на најголемиот македонски фудбалски клуб одигра без голови против домашниот Кораби со што беше означен старт на новата сезона во Втората лига.
Откако првото полувреме заврши со најнепопуларниот резултат, Вардар се соочи со голем проблем кратко по почетокот на вториот дел. Имено, Филип Ѓорѓиевски поради втор жолт картон мораше да ја напушти играта оставајќи го некогашниот гигант со десетмина на теренот. И покрај играчката предност домашните фудбалери не успеаја да го најдат патот до мрежата на Филип Илиќ, па натпреварот заврши со истиот резултат со кој и почна.
Силекс немаше проблеми на гостувањето кај Кадино славејќи со убедливи 3:0. Охрид го преслуша дебитантот Беса од гостиварското село Добри Дол, Тетекс запиша три бода против Велешта, а другиот дебитант, Воска Спорт, го изненади и понижи Гостивар на негов терен. Гостите сите голови ги постигнаа во вториот дел откако домаќините останаа со играч помалку.
Резултати од групата Запад:
Кадино - Силекс 0:3
Охрид Лихнидос - Беса 1976 4:1
Тетекс - Велешта 2:1
Гостивар - Воска Спорт 0:4
Кораби - Вардар 0:0
Во источната група фаворитот за експресно враќање во елитата, струмичка Беласица, почна со победа во Радовиш. Победија и Победа, Кожуф, Саса и виничка Слога.
Резултати од групата Исток:
Слога 1934 - Братство 07 1:0
Осогово - Саса 1:4
Локомотива - Кожуф 0:2
Победа - Кит-Го 2:1
Детонит - Беласица 0:2
Наредното 2. коло е на програмата в недела од 16 часот.
