Вечерва ќе имаме можност да го видиме последниот дуел во кариерата на Лионел Меси и Кристијано Роналдо, двајца фудбалери кои ги обележаа последните дваесет години.
Вечерва од 18 часот по средноевропско време ќе се одигра пријателски натпревар помеѓу ПСЖ и мешаниот тим на Ал-Наср и Ал-Хилал.
Меси и Роналдо ги гледавме исклучиво на европско тло, најчесто на Ел Класико, а последен пат ќе се сретнат во Ријад, главниот град на Саудиска Арабија.
Роналдо како капитен ќе го предводи саудискиот тим, а на другата страна се очекува настап на најголемите ѕвезди на „Парижаните“ - Меси, Нејмар и Килјан Мбапе.
Натпреварот се игра на стадионот „Крал Фахд“ со почеток во 18 часот, а навивачите за жал нема да можат бесплатно да го следат. Оние кои сакаат да го гледаат овој спектакл и последен пат да ги видат Меси и Роналдо во директен дуел, ќе мора да го купат преносот на Facebook страницата на ПСЖ за 2,29 евра.
Роналдо и Меси досега одиграле 36 натпревари, од кои само два пријателски (Аргентина - Португалија). Меси води во победи (16-11) и постигнати голови (22-21).