На социјалните мрежи масовно почна да се шири снимка за која се тврди дека е руска пропаганда, но можно е и само некој да се исмејува со руските власти кои своите граѓани се обидуваат да ги уверат дека во Европа владее хаос поради недостиг на гас.
Дејството во видеото се одвива околу млада Британка која на платформа за запознавање е заведена од богатиот Русин Свјатослав.
Снимката почнува со натписот „Зима во Велика Британија, 2023“ и прикажува млада девојка која седи во мрачна соба, со волнена капа на главата и облечена во топла облека, но се смрзнува додека пишува на лаптоп. Заинтересирана е за профилот на Русин кој ужива во када со топла вода, има греење, осветлен стан и се расфрла со пари.
Британката ја прифаќа поканата на Свјатослав и заминува за Москва. Дочекана е срдечно, но во друштво на уште неколку полуразголени жени.
Видеото на Twitter го сподели Антон Герашченко, советник на украинскиот министер за внатрешни работи.
„Руската пропаганда вели дека Tinder вака ќе изгледа во ЕУ: девојка која се смрзнува трча по Русин кој има струја, греење и топла вода“, напиша Герашченко.
Реакциите за видеото се урнебесни.
