Луис Суарес го положи испитот за познавање на италијански јазик, но веќе тоа е предмет на истрага откако италијанските власти дојдоа до информации дека Уругваецот мамел на испитот.
Суарес замина во Перуџа за да полага испит по B1 за познавање на италијански јазик бидејќи тој сертификат е неопходен за добивање на италијански пасош. А, пак, пасошот му требаше бидејќи требаше да се пресели во Јувентус и да биде регистриран како ЕУ играч. Трансферот во Јуве пропадна, но сега Уругваецот има други проблеми.
„За време на истрагата на виделина излегоа нерегуларности во врска со испитот на Луис Суарес направен со цел да добие италијанско државјанство“, велат од државното обвинителство.
„Истрагата откри дека темите вклучени во испитот биле однапред договорени така што дури и освоените бодови биле претходно штелувани. Кандидатот всушност покажал само основно познавање на италијанскиот јазик“, открива обвинителството.
Суарес нема никакво италијанско потекло, но е во брак со Софија Балби, која по потекло е Италијанка и поседува италијанско државјанство. По таа основа, оженет за Италијанка, Суарес се квалификува да побара италијанско државјанство.
„Сега финансиската полиција врши темелна истрага во Унизерзитетот во Перуџа во обид да се докаже откриеното по што потоа ќе бидат обелоденето криминалното дејствие за идеолошки фалсификат извршен од страна на вмешаните лица“.