Полицијата во Дубаи заплени 500 кг кокаин вреден околу 118 милиони долари и уапси еден човек, стои во соопштение за медиумите во ОАЕ.
„Полицијата неодамна спречи обид за влез во земјата 500 килограми чист кокаин за продажба“, истакнато е во соопштението, без детали за местото и времето на полициската акција.
Пазарната вредност на дрогата е поголема од 118 милиони евра, а кокаинот бил сокриен во контејнер.
Уапсен е еден осомничен со потекло од Блискиот Исток под сомнеж дека бил посредник за меѓународен картел. Царинската служба во Дубаи редовно известува за заплена на дрога во тој емират, каде има строги забрани за злоупотреба на опојни средства.
Криумчарењето дрога таму се казнува со смртна казна која неретко се преиначува во доживотен затвор.