Шефот на Мерцедес, Торген Волф, уште еднаш навести дека ако тој бил на местото на шефовите на Ферари и Мекларен, немало да ги објави промените кај своите возачи толку рано. Според Волф, ова само ќе ја искомплицира работата во текот на сезоната и ќе доведе до губење на поени.
Во мај стана јасно дека Себастијан Фетел нема да остане во Ферари следната година и дека Карлос Саинс ќе го заземе неговото место. Потоа Мекларен потврди дека Даниел Ричардо ќе биде во автомобилот на Шпанецот.
– Како ќе работиш со пилот како Карлос кој знае дека ќе вози на друго место следната година? Како да го развиваме автомобилот со него и да споделуваме тајни? И тимот треба да освои поени со двата автомобила. Би се однесувале поинаку. Но, не сакам никому да судам. Секој знае што е соодветно за него, рече популарниот Тото, кој треба да размисли за сопствените пилоти.
Ботас нема договор со тимот за следната година и сосема е можно тој да го заземе местото на Џорџ Расел. Договорот за Луис Хамилтон, исто така, ќе биде обновен.
– Сакаме да видиме како ќе се одвива почетокот на сезоната и да дозволиме нашите двајца возачи да се натпреваруваат слободно. Ќе го следиме настапот на Џорџ и тогаш ќе одлучиме. Можеби до крајот на летото ќе стане јасно, посочи Волф.
