Велат дека ваквиот пекарски компир потекнува од градот Пирот во соседна Србија. Вкусен е и е наменет за гурманите на трпезата.
Печените компири, познати како пекарски компир, се одличен прилог кој обично се служи со месо, но ако додадете неколку состојки во него, можете да направите вистинско гурманско јадење. Наш предлог е да го пробате рецептот за пекарски компир во кој се додава сланина и кашкавал, кои на ова јадење му даваат посебен шмек. Ако сакате да јадете компири, тогаш сигурни сме дека ова јадење ќе ви се допадне уште на првиот залак.
Потребни состојки:
- 1 кг компири
- 250 гр сланина
- 150 гр кашкавал
- 200 мл млеко
- 200 мл вода
- 50 мл масло
- магдонос
- зачини
Подготовка:
Компирите исечкајте ги на четвртинки и наредете ги во огноотпорен сад. Одозгора посипете половина од ренданиот кашкавал и наредете ситно сечкана сланина, а над сланината посипете го остатокот од ренданиот кашкавал. Во еден сад измешајте вода, млеко и масло, па зачинете по желба. Добро измешајте, па прелијте ги компирите. Покријте со алуминиумска фолија и печете во загреана рерна на 200°C околу 45 минути, а потоа извадете ја алуминиумската фолија и печете додека компирите не добијат кора и не испари вишокот течност. Пред сервирање украсете со магдонос
