Никола Јокиќ мина со само еден натпревар суспензија поради неспортскиот напад врз Маркиф Морис, кој пак поради груб старт доби парична казна.
Во натпреварите кои се играа ноќта помеѓу понеделник и вторник Денвер Нагетс го нагости Мајмаи Хит, а натпреварот го одбележа инцидентот помеѓу горенаведените двајца.
Морис стартуваше остро над Јокиќ на средината од теренот, а Србинот веднаш дупло му врати од зад грб со хокеарски старт удирајќи го Американецот, по што Морис се залепи за подот.
Со оглед на очигледната намера за одмазда и грубиот намерен старт, се очекуваше дека Јокиќ ќе помине со подебела суспензија, но НБА лигата денеска соопшти дека сепак му е доделена само суспензија од 1 натпревар. Тоа значи дека српскиот центар нема да биде на паркетот на вечерашниот дуел дома против Индијана Пејсерс.
А, пак, Морис мина само со парична казна од 50 илјади долари поради неспортскиот потег со кој и го предизвика инцидентот.
Јакиќ синоќа и јавно проговори за инцидентот, се извини и призна дека тоа било глупав потег поради кој потоа се чувствува лошо.
