Манчестер Јунајтед ќе го испрати Џејдон Санчо на позајмица до крајот на сезоната во Борусија Дортмунд, пренесува BBC.
Менаџерот Ерик тен Хег го отстрани Санчо од тимот во септември поради слабите перформанси на тренинзите.
Напаѓачот потоа на социјалните мрежи објави дека е „жртвено јагне“, а потоа одби да му се извини на менаџерот на „Црвените ѓаволи“.
Оттогаш Санчо тренира одвоено од тимот, а Манчестер Јунајтед планира да го испрати на позајмица во Борусија до крајот на сезоната. Тој пристигна во клубот од „Олд Трафорд“ токму од Борусија во јули 2021 година за 85 милиони евра.
Медиумите пренесуваат дека преговорите меѓу двата клуба околу позајмица на англискиот фудбалер се во тек, а најголем проблем е платата на Санчо.
Британски Athletic пишува дека Борусија наводно се понудила да исплаќа само третина од платата на англискиот фудбалер, па Јунајтед ќе треба да го покрива останатиот дел.
Санчо одигра 82 натпревара за Манчестер Јунајтед и постигна 12 гола. За англиската репрезентација настапуваше од 2018 до 2021 година, настапи на 23 натпревари и 3 пати се запиша во листата на стрелци.