Во сообраќајна несреќа животот го загуби поранешниот напаѓач на Наполи и Реал Мадрид, како и некогашен предводник и ѕвезда на репрезентацијата на Колумбија.
Ринкон имал сообраќајќа во понеделникот по што бил хоспитализиран, а докторите иако се бореле за неговиот живот и му направиле операција на главата, тој ноќеска им подлегнал на повредите. Во судирот на неговиот автомобил со автобус на улиците на градот Кали, Ринкол се здобил со тешки повреди на главата кои се покажале фатални.
„И покрај целиот напор на нашиот лекарски тим, Фреди Ринкон почина“, на локални новинари им соопштил Лауреано Кинтеро, директор на клиниката Имбанако каде Ринкон бил хоспитализиран.
Ринкон го паметат љубителите на фудбалот од 90-тите години на минатиот век кога прв пат светот го виде на Мундијалот 1990 во Италија кога на „Меаца“ ѝ даде гол на Западна Германија протнувајќи ја топката низ нозете на Бодо Илгнер и на Колумбија ѝ донесе реми (1:1) со репрезентацијата која потоа стана светски шампион. Тогаш настапуваше за клубот Америка де Кали, додека кариерата ја започна во Санта Фе.
Добрите игри за Америка го однесоа во бразилскиот гигант Палмејрас. Зеадно со Фаустино Асприља беа пеколен тандем во колумбиската репрезентација што ја натера Парма да ги откупи двајцата. Но, поради ограничувањето на странците во Серија А трансферот на Ринкон пропадна, па заврши како позјамен во Наполи. Потоа играше и за Реал Мадрид, Коринчјанс, Сантрус, Кризејру, а кариерата ја заврши во 2004 во дресот на бразилски Коринчјанс.
За репрезентацијата на Колумбија за 11 години настапи на 84 натпревари и постигна 17 гола, а беше дел од Мундијалите 1990, 1994 и 1998, како и на Копа Америка 1991, 1993 и 1995 (на последните две освои бронза). Заедно со легендата Карлос Валдерама, е рекордер во бројот на настапи на Мундијалите за Колумбија. Двајцата имаат по 10 одиграни натпревари.