Познатиот актер Арнолд Шварценегер по десет долги години и официјално стави крај на бракот со поранешната сопруга Мариа Шрајвер.
Марија поднесе барање за развод во 2011 година кога по 25 години брак дозна дека Арнолд има вонбрачна врска, па дури и дете со нивната куќна помошничка Милдред Баен.
Актерот го криел својот син Џозеф цели 15 години, додека Милдред тврдела дека таткото на детето бил нејзиниот сега веќе поранешен сопруг Рохелио.
Веста се прошири низ светот, а поранешниот гувернер на Калифорнија беше главна тема на сите насловни страници.
Арнолд и Мариа решија да се разведат во тишина и без мешање на јавноста, но тоа траеше подолго отколку што некој очекуваше. Иако информациите се држеа строго во тајност, откриено е дека главната причина била немотивираноста, но и тоа што не можеле да се договорат за распределбата на богатството.
Многу е веројатно дека проценетите 400 милиони ќе се поделат на половина.
Поранешниот пар се венчаше во 1986 година и има четири деца, Кетрин, Кристина, Патрик и Кристофер. Долго време живеат одвоено, а актерот во 2012 година среќата ја пронајде во Хедер Милиган.
Меѓутоа, со поранешната сопруга и децата, Арнолд често е гледан во јавноста, а и Џозеф често им се придружува во заедничките моменти.