Тренерот на Реал Мадрид, Зинедин Зидан ги сподели своите очекувања за натпреварот од 3. коло во Лигата на шампионите против Интер.
„Интер е добар тим. Нè чека уште еден тежок натпревар. Ова ќе биде уште едно финале. Впрочем, за нас до крајот на групата секој меч е финале. Утре одиме по три бода. Уморен сум од слушање дека ни треба промена. Можеме да постигнеме многу со овој состав“, изјави Зидан.
По две кола, Реал е последен во групата Б со еден освоен бод. Интер и Борусија Менхенгладбах имаат по два бода, а Шахтјор е на првото место со четири бода.
Натпреварот Реал – Интер е закажан за утревечер со почеток во 21 часот.
