Ерлинг Холанд ќе ја напушти Борусија Дортмунд на крајот на сезоната и ќе се пресели во Манчестер Сити, соопштија сигурни извори запознаени со преговорите меѓу двата клуба и норвешкиот напаѓач.
Веста ја потврди и Фабрицио Романо, додавајќи дека Холанд ги поминал медицинските тестови во новиот клуб, дека Сити ќе ја активира излезната клаузула во неговиот договор според која може да го напушти Дортмунд за сума помеѓу 60 и 75 милиони евра и дека сè ќе биде официјално потврдено неделава.
Daily Mail наведува и зошто бараниот напаѓач го избрал Сити пред Реал Мадрид. Сити, каде што играше и татко му Алфи во периодот од 2000 до 2003 година, Ерлинг Халанд го избра по двоумење со месеци меѓу шпанскиот и англискиот великан, а неговата конечна одлука беше под влијание на одличната форма на неуништливиот Карим Бензема.
Daily Mail пишува дека добрите игри на Бензема биле „клучен фактор“ во размислувањето на Холанд.
„Во Сити ќе биде главниот човек на тимот“, пишува Daily Mail и додава дека Сантијаго Бернабеу ќе почека, а Реал Мадрид ќе биде неговата дестинација во иднина.
Со доаѓањето на Холанд, Манчестер Сити ја завршува потрагата по наследникот на Серхио Агуеро. Одличниот млад норвешки напаѓач потпиша на пет години и ќе заработува 435 илјади евра неделно, исто колку и најдобриот играч на Сити, Кевин де Брујне.