Оние кои го гледаат преносот на крунисувањето на кралот Чарлс III можеби ќе се изненадат кога ќе ја слушнат познатата музика што вообичаено би ја поврзале со фудбалското натпреварување Лига на шампиони, а тоа е всушност композицијата на Георг Фридрих Хендл „Свештеникот Садок“.
Химната на Хендл „Свештеникот Садок“ беше искористена како инспирација за темата на Лигата на шампионите, со изменета верзија напишана за инаугурацијата на натпреварувањето во 1992 година. Оригиналот, сепак, има врски со кралското семејство.
„Свештеникот Садок“ е создадена во пресрет на крунисувањето на Џорџ II во 1727 година и оттогаш се изведува на секое крунисување. Ова нема да се промени кога Чарлс III ќе биде крунисан за крал, иако ова ќе биде прв ваков настан што ќе се одржи откако постои фудбалското натпреварување.
- Zadok the Priest, and Nathan the Prophet anointed Solomon King.
- And all the people rejoic'd, and said:
- God save the King! Long live the King!
- May the King live for ever,
- Amen, Allelujah.
Кога Лигата на шампионите беше ребрендирана во 1992 година, англискиот композитор Тони Бритен доби налог да напише нова химна. Тој го адаптираше познатото парче на Хендл за да создаде мелодија која традиционално се интонира пред големите европски натпревари.
Интересно е што оваа иконска нумера не се интонираше на натпреварите од Лигата на шампионите кои се одржаа пред погребот на кралицата.
Денешното крунисување официјално започнува откако кралското семејство ќе ја заврши поворката за пристигнување од Бакингемската палата. По церемонијата ќе започне поворката за враќање, по истата рута назад.
Во попладневните часови 15 членови на кралското семејство ќе се соберат на балконот на Бакингемската палата за да им оддадат почит на Чарлс и Камила.