Tesla, а и другите нови брендови за електрични возила, имаат голем број фактори кои ги зголемуваат цените кога станува збор за поправка на штетите.
Електричните автомобили обично се поевтини за возење од еквивалентно возило со мотор со внатрешно согорување во однос на потрошувачката на гориво и одржувањето. Меѓутоа, кога ќе дојде до оштетување од судир, електричните автомобили може да чинат експоненцијално повеќе кога ќе дојде до поправка.
Иако оваа приказна се фокусира на Tesla, треба да се забележи дека другите брендови како Lucid и Rivian се чини дека имаат слични проблеми.
Tesla, а и другите нови брендови за електрични возила, имаат голем број фактори кои ги зголемуваат цените кога станува збор за поправка на штетите. Станува збор за луксузни возила кои сами по себе имаат скапи трошоци за поправка, а освен тоа ретки се и опциите на пазарот за половни возила.
Покрај тоа, тие имаат бројни сензори во областите склони на оштетување, како што е браникот. На пример, јутјуберот Рајан Шо, кој се занимава со автомобили на Tesla, вели дека оштетувањето на браникот резултирало со сметка од 8.701,33 долари (8.082 евра).
Во втората несреќа, каде што задниот дел беше оштетен, трошоците за поправка на електричното возило беа 23.614 долари (21.935 евра).
Ништо од тоа не решава уште еден голем проблем со некои Tesla автомобили, имено нивните интегрирани батерии. Ако некоја од нив се оштети, нема начин да се поправи.
Треба да се напомене дека и извршниот директор Илон Маск и Tesla ја разбираат потребата да се намалат цените за поправка. Самиот Маск рече дека трошоците се „неразумно високи“ и се пожали на ситуацијата во која понекогаш може да се најдат сопствениците на Tesla.
„Значи, ако чекате да се поправи делот, осудени сте да изнајмите друг автомобил на еден месец. Тоа е исклучително скапо“, рече Маск во јануари.
Сè додека не се најде долгорочно решение, сопствениците на електрични возила од високата класа, а особено сопствениците на Tesla, се на милост и немилост на осигурителните компании и компаниите за поправка по несреќи.
