Победата на Реал во Лигата на шампионите во саботата воодушеви милиони навивачи на мадридскиот клуб, но и челниците на лондонски Челси, клуб кој Кралевите го симнаа од европскиот трон.
Челзи по 364 дена престана да ја држи европската титула, но и покрај тоа, новиот сопственик на „Сините“, Тод Боли, се радуваше што ги наследи токму Реал Мадрид.
Имено, Реал ќе мора да му плати на Челси 18 милиони евра бидејќи стана европски првак, а за се „виновни“ се Еден Азар и Марина Грановскаја.
Во 2019 година, кога го продаде Еден Азар на Реал, директорката на Челси, Грановскаја, се избори за клаузула благодарение на која денес задоволно ги трие рацете.
Реал тогаш на Азар му плати 115 милиони евра со бонус од 18 милиони доколку Азар ја освои Лигата на шампионите со мадридскиот клуб, а сега таа клаузула е активирана и тие пари ќе ги добие Челси.
