Често се случува партнерот многу да ви се допадне, но тој одеднаш да стане неинтересен.
Ова не е однесување кое е карактеристично само за младите, туку и зрелите луѓе.
И кога велиме одеднаш, мислиме на моментите кога почнува почесто да ви праќа пораки, да зборува за тоа како би сакал почесто да ве гледа, да ја лајкнува секоја ваша објава на социјалните мрежи итн.
Зошто не сме заинтересирани за луѓето кои ни се секогаш достапни?
Пред сѐ, луѓето по природа сакаат лов, неизвесност и игра, а штом го дознаеме резултатот губиме интерес, тврдат психолозите.
Но, одговорот би можел да лежи во нешто сосема друго, без воопшто да сме свесни за тоа, а тоа е бегството од интимноста.
Како што стануваме поинтимни со некого, паѓаат маските и ѕидовите што внимателно сме ги граделе со години. На тој начин стануваме почувствителни и поранливи, па лесно можеме да се излеземе повредени од било што.
Затоа многумина од нас се повлекуваат во ситуација кога другата страна покажува дека е загреана, бидејќи така се штитиме од евентуална повреда.
Третата причина е поврзана со очајот. Упорните луѓе кои понекогаш не ни дозволуваат да дишеме нормално се апсолутно непожелни партнери, па многумина трчајќи бегаат на првите такви знаци без разлика на сѐ.
