Сите знаеме дека внесувањето течности е важно, но дали може да претераме со водата?
Идеалната количина вода варира од човек до човек, зависно од географската локација, типот на тело и други фактори. Пиењето премногу вода може да доведе до дисбаланс на електролити.
„Во прекумерната хидратација вишокот вода ја разблажува концентрацијата на електролити во крвта, предизвикувајќи нерамнотежа во многу состави на телото“, вели доктор Кетрин Валдроп за Mind Body Green.
Пиењето премногу вода може да доведе и до дизбаланс на електролити што се нарекува хипонатремија, а може да има непријатни нуспојави по телото. Блага хипонатремија може да ги има овие симптоми: мачнина, повраќање, губење на апетит и слично.
За среќа, релативно е мала веројатноста да се премногу хидратизирани бидејќи тоа би барало да пиете екстремни количини вода дневно. Но, ако вашата урина е целосно проѕирна, може да биде знак да намалите со количината што ја пиете.
