Шпанскиот тенисер Карлос Алакарас го освои Мастерс турнирот во Индијан Велс и се доближи до Новак Ѓоковиќ на врвот на АТП листата.
Алкарас во синоќешното финале беше подобар од Русинот Даниил Медведев со 2:0, по сетови 7:6(5), 6:1.
На овој начин вториот тенисер во светот ја одбрани минатогодишната титула во Индијан Велс која ја освои токму против Медведев.
На патот до финалето Алкарас ги елиминираше Јаник Синер, Александер Зверев, Фабиан Маросан, Феликс Оже-Алјасин и Матео Арналди.
Ова беше прв освоен турнир на 20-годишниот Алкарас по Вимблдон минатата година и петти Мастерс турнир во неговата кариера.
Сега предноста на Ѓоковиќ на врвот на АТП листата е помалку од 1.000 поени. Србинот е лидер со 9.725, додека Алкарас има 8.805. поени.
