Кошаркарската репрезентација на Соединетите Американски Држави ја забележа втората победа во подготвителните натпревари за Олимписките игри совладувајќи Шпанија со 83:76 во Лас Вегас.
Ова беше последниот тест за тимот на Грег Попович пред патувањето во Токио, а Шпанија им понуди многу добар отпор во првите три четвртини.
На средина на претпоследната четвртина Шпанците дури водеа и со 6 поени разлика, но американските НБА ѕвезди до крајот се ставија во поголема брзина и го остварија очекуваниот триумф.
Демиен Лилард (Портланд Трејл Блејзерс) постигна 19 поени, а го следеа Келдон Џонсон (Сан Антонио Спарс) со 15, Кевин Дурент (Бруклин Нетс) со 14 и Зак ЛаВин (Чикаго Булс) со 13 поени.
Кај Шпанците најефикасен беше Рики Рубио со 23 поени, а Вили Хернангомес постигна 11.
По двата воведни пораза на подготовките против Нигерија и Австралија, САД се подобрија триумфирајќи над Аргентина и Шпанија.
Дрим Тимот на Олимпијадата во Токио ќе биде во група со Франција, Иран и Чешка.
