Адвокатот на поранешниот селектор на репрезентацијата на Македонија откри дека морал да ја даде на суд ФФМ за да си ја добие премијата што му следуваше за пласманот на ЕУРО 2020.
Игор Ангеловски од летото 2021 година не е повеќе селектор на македонската фудбалска федерација, откако претходно дури 6 години беше на клупата. Јавна тајна е дека со новото раководство на ФФМ беше во лоши односи, па очекувано беше што договорот му беше продолжен само заклучно со Европското првенство, на кое тој ја однесе Македонија преку Лигата Д од Лигата на нации.
Познатиот скопски адвокат Александар Тортевски откри на социјалните мрежи дека ФФМ не сакала да му ја исплати договорената премија на Ангеловски, онаа за историскиот пласман на ЕУРО. Популарниот Мрме морал на суд да си ја бара правдата, и нормално ја добил.
„По историскиот успех на репрезентацијата и пласманот на ЕП, претседателот Сејдини прво што направи е да го избрка селекторот, а на сите членови на УО на ФФМ им додели награди од по 20.000. Патем, на Игор Ангелевски не сакаше да му ја исплати наградата, па моравме да одиме по судови“, објави Тортевски.
Инаку, освен членовите на ОУ, ФФМ им исплати премии и на играчите и на сите ангажирани околу репрезентацијата. Списокот со премиите тогаш го објавија колегите од Sport1.
Потоа во јавноста излезе и списокот со премиите за членовите на Управниот одбор на ФФМ.
