Белоруската пливачка Алиаксандра Херасимениа, која има освоено три олимписки медали и беше светска шампионка во пливање, е осудена на 12 години затвор во Русија поради „создавање екстремистичка група“.
Судот во Минск, во отсуство, ја осуди Алиаксандра поради обвинувања за повикување против власта и нанесување штета на безбедноста на Белорусија.
Херасимениа во 2020 година ја основа Белоруската фондација за спортска солидарност која обедини стотина белоруски спортисти критички настроени кон авторитарното владеење на претседателот Александр Лукашенко, кој е на власт од 1994 година.
Истата година, во текот на протест поради реизборот на Лукашенко за претседател, Херасимениа објави отворено писмо, потпишано и од други спортисти, повикувајќи на „слободни избори“.
Таа се повлече од спортот во 2019 година и живее во егзил. Нејзината фондација според белоруските власти е „екстремистичка формација“, па затоа е осудена на 12 години затвор, а одземен ѝ е целиот имот.
