Комесарот на НБА лигата, Адам Силвер, објави дека кошаркарите на Шарлот Хорнетс и на Сан Антонио Спарс, Ламело Бол и Дежонте Мареј, ќе настапат на претстојниот Ол-стар натпревар на 20 февруари во Кливленд на местото на повредените Кевин Дурант и Дрејмонд Грин.
Бол минатата сезона беше избран за најдобар дебитант, а сезонава има просек од 19,6 поени, 7,5 асистенции, 7,1 скокови и 1,47 освоени топки по натпревар и за прв пат во кариерата ќе настапи на Ол-стар натпревар.
Ол-стар деби во Кливленд ќе има и Мареј, што го заслужи со најдобрата сезона досега во кариерата, во која има просек од 19,6 поени, 9,2 асистенции, 8,4 скокови и 2,06 освоени топки, а забележа и 10 трипл-дабл ефекти.
Дурант се откажа од настап на Ол-стар натпреварот поради повреда на левото колено, додека Грин поради повреда на грбот.