По значителниот скок во 2022 година, цените на храната во ЕУ продолжуваат да растат оваа година, а маслиновото масло во септември поскапело 75% од јануари 2021 година, објави денеска Eurostat.
Како што е наведено на веб-страницата на организацијата, податоците за вториот и третиот квартал покажуваат дека цените на јајцата, путерот и на компирот во ЕУ растат нешто побавно од претходно, а цената на маслиновото масло постојано расте.
Компирите поскапеле 53% од јануари 2021 до септември годинава, а пикот е забележан во јуни кога цените на оваа храна биле 60% повисоки во однос на првиот месец од 2021 година.
Јајцата беа поскапи 37% во септември отколку во јануари 2021 година. Нивната цена се стабилизира во првите два квартала од 2023 година, а одредено намалување е забележано во август и септември.
Цените на путерот пораснаа на сличен начин. Врвот на растот беше во декември 2022 година кога цените беа 44% повисоки од јануари 2021 година, оттогаш тие постепено забавуваат.
