Кевин Де Брујнe по повеќе од осум години го напушта Манчестер Сити и најверојатно од јануари кариерата ќе ја продолжи во редовите на Ал Наср од Саудиска Арабија. Работата наводно е веќе договорена, пишува La Gazzetta dello Sport.
Кевин Де Брујне од крајот на минатата сезона има проблем со повредите. И повеќе од јасно е дека неговото тело повеќе не може да ги издржи напорите во Премиер лигата и Лигата на шампионите.
Поради тоа во јануари е подготвен да им се приклучи на Кристијано Роналдо, Садио Мане, Марцело Брозовиќ и поранешниот соиграч од Сити, Емерик Лапорт, во Ал Наср.
La Gazzetta dello Sport, пишува дека Де Брујне ја договорил платата и дека таа ќе биде значително поголема од онаа што ја има во Сити. Годишната плата на Белгиецот во Манчестер Сити изнесува 20.800.000 фунти.
Кевин Де Брујне пристигна во Манчестер Сити во 2015 година од Волфсбург, за сума од 76.000.000 евра.
Во изминативе осум години за „Граѓаните“ одигра 358 натпревари и има учинок од 96 голови и 153 асистенции. Освои 5 титули во Премиер лигата, 1 во Лигата на шампионите, 2 ФА купа, 5 ЕФЛ купови и Комјунити шилд.
