Фудбалерите на Атлетико повторно не ја започнаа сезоната на идеален начин, откако синоќа на својот „Метрополитано“ загубија од Виљареал со 2:0, а по натпреварот дојде до скандал.
Атлетико го заврши натпреварот со играч помалку, а нервозни беа и навивачите кои останаа на стадионот по последниот судиски свиреж.
Следеа жестоки критики кон фудбалерите на мадридскиот клуб, а не можеше да се воздржи ниту шпанскиот стопер Марио Ермосо.
Тој дури почна и физички да се пресметува со навивачите прескокнувајќи ја оградата која го дели теренот и трибините.
Беше подготвен да ги удри провокаторите, но членовите на стручниот штаб и стјуардите некако успеаја да го смират.
Го задржаа и го вратија на терен, додека на стадионот набрзо се појави полиција и ги спроведе незадоволните навивачи од трибините.
Инаку, навивачите на Атлетико најмногу збеснаа поради играта на Антоан Гризман, кој одигра нешто повеќе од половина час во Мадрид.
