Федералниот апелационен суд денеска ќе го одржи финалното сослушување за скандалот со капиталните добивки на Јувентус, а информациите од Италија сугерираат дека казната ќе биде одземање на 12, што е мало намалување од првичните 15.
„Бјанконерите“ се обвинети дека вештачки ги надувале трансферните такси за да ги зголемат капиталните добивки и со тоа ги балансирале сметките, правејќи да изгледа како да се движат околу многу повредни средства.
Иако ова е техника која функционира само ако другите клубови се договорат околу вреднувањето, Јуве е единствениот клуб засегнат бидејќи ова е во суштина жалба против претходната пресуда со која беа расчистени бројни тимови во април 2022 година, повторно отворена поради новите докази од Призма граѓанска истрага.
Јуве ја доби жалбата против казната од 15 поени минатиот месец, но само ја испрати назад до Федералниот апелационен суд на ФИГЦ за нова проценка.
Суштинските основи на вината беа потврдени, па „Старата дама“ ќе се соочи со бодовна казна, која ќе биде малку намалена затоа што некои од одборот на директори, вклучувајќи го и Павел Недвед, беа ослободени од обвиненијата.
Во текот на последните неколку недели се претпоставуваше дека казната ќе биде 9 бодови, што првично го бараше обвинителот на ФИГЦ, Џузепе Кинè.
Сепак, La Gazzetta dello Sport и Corriere dello Sport денеска излегоа со тврдење дека судот е склон повторно да ја подигне границата на 12 поени, сметајќи дека рецидивистичкото и систематското однесување на Јуве заслужува поголема казна. Според овие медиуми, намерата на Судот е Јувентус да не игра во Лигата на шампионите.
Тоа би го однело Јуве од сегашните 69 бодови и второто место на 57 бодови и осмо место, надвор од зоната која води во Европа, но со шанси во последните три натпревари да успее барем да дојде до пласман во Конференциската лига.
