МВР соопшти детали за вчерашното убиство во Струга при што почина жена од Битола.
Во 19:15 часот во СВР Охрид, Е.Т.(49) од Струга пријавил дека околу 19:00 часот, додека С.Р.(34) и Ј.Р.(39), двајцата од Битола, со привремено живеалиште во Струга, биле во неговиот стан, каде биле присутни уште неколку лица, по претходна расправија, Ј.Р. со нож ја нападнал неговата сопруга С.Р. и ѝ нанел повреди.
Според пријавеното, тој се обидел да побегне, но бил спречен, по што со ножот сам се повредил.
Од екипа на Итната медицинска помош била констатирана смрт кај С.Р., а Ј.Р. бил префрлен во Медицински центар Струга за укажување на лекарска помош.
Увид на местото на настанот извршила екипа на Полициска станица Струга. По наредба на Јавен обвинител, телото на починатата било дадено за обдукција.