Јулија Ванделт е 21-годишна девојка од Полска која тврди дека можеби е Медлин Мекен, девојче од Велика Британија кое исчезна додека беше на одмор со своето семејство во Португалија во 2007 година.
Јулија го привлече вниманието на медиумите откако креираше профил на Instagram со корисничко име Iammadeleinemccann, тврдејќи дека има пега на ногата и дамка во окото на истите места како и Меделин и дека личи на родителите на Меделин.
Таа исто така изјавила дека била во контакт со семејството на Меделин и се надева дека ќе направи ДНК тест за да ги докаже нејзините тврдења.
Сепак, властите сметаат дека немаат докази кои сугерираат дека Меделин е сè уште жива.
Меделин Мекен е мртва, но не знаеме каде е телото - тврди германски обвинител
Семејството на Меделин Мекен, наводно, побарало ДНК тест за Ванделт, откако таа стана популарна на социјалните мрежи, по тврдењата што ги изнела на нејзиниот Instagram, пишува шпанскиот весник Marca.
Член на семејството Мекен наводно понудил да направи ДНК тест како одговор на тврдењата на Јулија Ванделт дека таа е Меделин Мекен. Јулија изрази желба директно да контактира со родителите на Меделин во блиска иднина.
Таа тврди дека почнала да го преиспитува нејзиниот идентитет пред неколку месеци откако наслушнала нешто што рекла баба ѝ. Иако тврди дека има 21 година, таа смета дека нејзината возраст можеби не е точна.
Потсетуваме дека Медеин Мек имаше три години кога исчезна во Праја да Луз во Алгарве во мај 2007 година, по што случајот привлече меѓународно внимание.
Истраги беа покренати неколку пати, но овој случај останува нерешен.
Меделин Мекен најверојатно била убиена набрзо по грабнувањето
