Далас го смени тренерот за време на летната пауза, но се чини дека има уште многу за тимот да се воигра под Џејсон Кид бидејќи Атланта им одржа лекција на стартот од сезоната.
Минатогодишниот финалист од Истокот без поголеми проблеми ги победи Маверикс со 113:87, пред се поради тоа што гостите имаа очајна шутерска вечер. Погодија само 33,3% од сите шутеви, додека Хокс беа малку порасположени, па имаа убава увертира за сезоната пред своите навивачи.
Српскиот кошаркар Богдан Богдановиќ постигна 11 поени, заедно со три тројки од пет обиди, а забележа и 3 скока и 2 асистенции за 26 минути колку што помина на паркетот.
Најефикасни во неговиот тим беа Редиш со 20 и Јанг со 19, добра партија пружи и Колинс со 16 поени и 9 скока, како и центарот Клинт Капела кој имаше дабл-дабл учинок од 12 поени и 13 скока, сите за само 20 минути на теренот.
Што се однесува до Далас, не е изненадување што Лука Дончиќ беше прва виолина со 18 поени, 11 скока и 7 асистенции, но шутираше многу слабо и погоди само 6 од 16 шута. Бренсон го следеше со 17 поени, Хардавеј имаше 14, Порзињгис 11.
Мајами му одржа лекција на шампионот Милвоки, победувајќи го со 42 поени разлика со маестралната партија на Тајлер Хироу. Младиот кошаркар постигна 27 поени, па Хит славеа со 137:95. Многу понеизвесен беше на дуелот помеѓу Голден Стејт Вориорс и Лос Анџелес Клиперс кој го доби домаќинот со 115:113 благодарение на Стеф Кари кој постигна 45 поени.
Атланта Хокс - Далас Маверикс 113:87
Мајами Хит 137:95
Голден Стејт Вориорс - Лос Анџелес Клиперс 115:113