Македонскиот репрезентативец Елиф Елмас доби уникатен подарок од Наполи во чест на освојување на шампионската титула. Тој и соиграчите го добија Златното стапало на Марадона, признание кое вечно ќе ги потсетува за фантастичната сезона во која го вратија Скудетото во Неапол по цели 33 години.
Елиф Елмас имаше голема улога во шампионскиот тим, иако најчесто беше џокер на Лучано Спалети кој може да игра на речиси секоја позиција на теренот. Постигна 6 гола и имаше 3 асистенции во Серија А изминатата сезона.
„Партенопеите“ шампионскиот пехар ќе го добијат утре на последниот натпревар од сезоната против Сампдорија дома од 18:30 часот.
