Настанот се случил минатата година, а видеото дури сега стана јавно.
Видеото се појавило дури откако крадците конечно беа фатени. На видеото се гледа настанот од пред една година во градот Виареџо кога двајца „обожаватели“ му пришле на познатиот Ф1 пилот и го замолиле за селфи. Во таа прилика му го украле рачниот часовник и побегнале со скутер.
Леклер бил толку разлутен што влегол во неговото Ferrari 488 Pista и се впуштил во потера.
Во меѓувреме, дуото на скутерот му го предало часовникот на трето лице, возач во сребрен SUV, кој Леклер го стигнал. Наместо да се пресмета со нив, тој го снимил автомобилот и регистрацијата и ја оставил полицијата да си ја заврши работата.
Ако се прашувате зошто членот на тимот на Ферари бил толку упорен, ќе ви стане појасно кога ќе кажеме дека се работи за уникатен рачен часовник Richard Mille, чија вредност се проценува на околу два милиони евра.
