По 2 часа и 24 минути, шпанскиот тенисер Карлос Алкарас убедливо со 3:0 во сетови го совлада германскиот ас Александер Зверев и се пласираше во полуфиналето на УС опен.
Почетокот на мечот донесе сигурна и многу добра игра на двајцата тенисери на свој сервис, а така беше с до осмиот гем, кога Алкарас направи брејк при водство од 4:3, дојде до водство од 5:3 и откако одбрани гем на свој сервис, поведе со 1:0 во сетови.
Во вториот сет Алкарас беше уште поубедлив и освен што не му дозволи на Зверев да одземе ниту еден гем на негов сервис, направи два брејка и поведе со 6:2 со водство од 2:0 во сетови.
И ништо не се смени ниту во третиот сет, Алкарас беше одличен во сервисот, а потоа во деветтиот гем направи брејк, поведе со 5:4 и откако го одбрани сервисот, дојде до победата.
На крајот Зверев на Алкарас му посака да го освои УС опен: „Со среќа. Да го освоиш“.
Алкарас за место во финалето ќе игра против Русинот Даниил Медведев, против кого има скор 2:1 и кого годинава дватапати го совлада. Еднаш беше во финалето на Индијан Велс, а вторпат во полуфиналето на Вимблдон. Медведев синоќа го елиминираше сонародникот Андреј Рубљов со 3:0 (6:4, 6:3, 6:4).
Во другото полуфинале ќе играат Новак Ѓоковиќ и домашниот тенисер Бен Шелтон.
