Ретко се случува странците кои настапуваат во македонстаа лига да бидат и репрезентативци, па затоа таквите случаи вреди да се истакнат.
Голгетерот на скопски Шкупи, Дембо Дарбо, е повикан во репрезентцаијата на Гамбија за претстојните квалификациските натпревари за пласман на Африканскиот куп на нации.
„Добрите настапи на Дембо Дарбо сезонава за нашиот клуб му донесоа повик во репрезентацијата на Гамбија“, се пофали чаирскиот клуб.
Дамбо сезонава на 10 натпревари има постигнато исто толку голови за Шкупи во 1.МФЛ, а даде и еден гол во квалификациите за Лига Европа.
Тој во август 2019 пристигна во Чаир од сенегалскиот клуб АСЕК, а претодно во татковината настапуваше за Реал де Банџул. Досега нема настапувано за репрезентацијата, па сега ќе има шанса да дебитира.
Гамбија ќе одигра два натпревара против Габон, на гости в четврток и дома на 16-ти во рамките на 3. и 4. коло од групата Д.
Последен странски репрезентативец од 1.МФЛ беше исто така играч на Шкупи. Левиот латерален бек Базилио Ндонг 7 пати играше за својата земја Екваторска Гвинеја додека беше дел од чаирскиот клуб. Во јануари годинава тој направи трансфер во белгиски Вестерло.
