Бидејќи Вардар неодамна му гостуваше на Порто, Германците не му дозволуваат да дојде на мегдан со Фленсбург бидејќи бил во земја која се наоѓа во таканаречената црвена ковид-зона.
„Иако до последен момент имаше навестувања дека германските власти ќе дозволат одигрување на натпреварот Фленсбург - Вардар, истиот во последен момент е ОДЛОЖЕН“, соопшти клубот.
Причината за одложувањето е последното гостување на Вардар во Португалија. Бидејќи оваа земја е во црвената зона, германските власти бараат вардаровата делегација да биде прво ставена во карантин доколку пристигне во Германија за да го одигра натпреварот. Нормално, такво нешто е невозможно.
Натпреварот со Фленсбург беше закажан за в четврток од 18:45 часот во „Фленс-Арена“ салата во градот Фленсбург кој се наоѓа во најсеверниот дел на Германија, речиси до границата со Данска.
Сега ќе се бара друг термин и координација со двете екипи и ЕХФ, исто како и за дуелот со ПСЖ кој исто така беше скоро одложени сѐ уште без датум за одигрување.
Вардар сезонава се соочува со многу одложувања. Има одиграно само 6 натпревари, најмалку од сите учесници во двете групи, а моментално во групата А е последен со победа и реми.
