Една од најпопуларните и најпродаваните игри на сите времиња, Grand Theft Auto V, пристигнува на конзолите во ноември.
Компанијата Rockstar соопшти дека Grand Theft Auto V и нејзиниот онлајн спиноф ќе бидат достапни за PlayStation 5 и Xbox Series X oд 11. ноември.
Во меѓувреме, GTA Online ќе биде доспатен како самостоен наслов, а Sony претходно најави дека ќе биде бесплатен за корисниците на нивната конзола во првите три мееци.
Grand Theft Auto V дебитираше во 2013 година на PS3 и Xbox 360, но се покажа како долготраен хит кој живее во три генерации на играчките конзоли и е продадена во повеќе од 140 милиони примероци.
