Ракометната репрезентација на Македонија во рамките на неделата на ЕХФ ќе одигра два контролни натпревари со Грција во Солун.
И додека селекторот Кирил Лазаров и неговите избраници се фокусирани на она што ќе се случува на теренот, од спротивниот табор на натпреварите се обидуваат да им дадат политичка конотација.
Слекторот Јоргос Заравинас даде провокативна изјава за официјалната интернет страница на Ракометната федерација на Грција. Нашата репрезентација ја нарече Скопје.
„Во Солун ја одработуваме првата недела од подготовките за ЕП. Оваа фаза е важна за нас и ќе одиграме два силни натпревари со Скопје“, вели во дел од својата изјава Заравинас.
Контролните натпревари Грција и Македонија ќе ги одиграат на 3 и 4 ноември со почеток во 17:30 часот.
