Во натпреварот од 24. коло на Ла Лига, Барселона со 1:0 ја победи претпоследната Валенсија со голот на Рафиња во 15. минута. Така Барса се одвои од Реал на врвот на девет бода.
Сепак, важната и можеби клучна победа на Барселона во борбата за титулата остана во сенка на неверојатната сцена во 55. минута.
Беше досуден пенал за Барса. Топката ја зеде Феран Торес, на кого му пријде Ансу Фати и го убедуваше да го пушти да го изведе пеналот. Следеше расправија, при што Торес дури го оттурна Фати. Вознемирениот Торес го изведе пеналот и наместо голот, ја погоди стативата.
Тренерот на Барселона, Чави, ги коментираше грдите сцени на играчите на неговиот тим по натпреварот: „Пред секој натпревар одредуваме кој ќе го изведе пеналот и тоа им го соопштуваме на играчите. Во стручниот штаб, пред Валенсија, решивме дека тоа ќе биде Феран Торес. Ние сме тие што одлучуваат и играчите го знаат тоа многу добро“.
На Барселона оваа себична кавга на играчите за пеналот и последователното промашување ѝ се удри од глава, бидејќи само четири минути подоцна остана со играч помалку. Беше исклучен дефанзивецот Роналд Араухо, поради што Чави го замени младиот напаѓач Фати, кој претходно жестоко се бореше да го изведе пеналот од соиграчот назначен да го изведе.
