Hats and the City е новиот едиторијал на модната линија шапки од дизајнерскиот бренд Мирјана Јосифоска.
Автентичноста на четирите дами во Њујорк од доцните деведесетти е вткаена во новиот едиторијал на колекцијата шапки од Мирјана Јосифоска – првиот македонски дизајнерски бренд за шапки. Во месецот на жената, женскоста ја воздигнуваме на урбано ниво, инспирирано од жените кои постојано се во чекор со нови предизвици и кои притоа успеваат да зрачат со елеганција и сигурност.
Протагонистките од серијалот Sex and the City чии модни комбинации остануваат засекогаш врежани во историјата на модата, овој пат се инспирација за Hats and the City – едиторијал снимен низ улиците на Скопје.
Sophia in Black за вечерно излегување, Monica in Classic Red за важниот денски состанок или Linda in Royal Blue за вино со пријателките – секоја од нив зазема свој став, а вие оставате впечаток со вашата нова комбинација за отворање на пролетната сезона.
Направени од 100% рециклирана сертифицирана волна, со отстранлива тул мрежа или врвки, шапките и беретките целат кон намалување на текстилниот отпад. Одберете уникатен додаток – кажете „да“ за одржлива мода.
Видеото и фотографиите се снимени од страна на Меланија Николовска, како и видео продукцијата. Фото едитор на едиторијалните фотографии е Sam W. Lab. Модел за модниот едиторијал е Надја Миланова (Подиум). Шминката и фризурата е изработена од студентите Агнеса Ајризи, Тамара Андоновска, Исра Амати и Анастасија Пластовска од СУГС „Димитар Влахов“ под менторство на Ферихан Махмуд - Кека. Облеката е од продавницата Игралиште (Скопје), како и чантите од Main Days.
Мирјана Јосифоска е првиот македонски дизајнерски бренд за шапки, кој изработува софистицирани додатоци инспирирани од класична женска убавина. Мисијата на компанијата е да го намали текстилниот отпад преку одржлив дизајн и етичко производство во специјализирано студио во Тетово.
Модниот бренд пред две години ја промовираше првата колекција на шапки наречена The Seven.
