Совршениот хет-трик на Мислав Оршиќ му донесе чудесен пресврт на Динамо и победа од 3:0 во реваншот од осминафиналето на Лига Европа против Тотенхем за пласман во четвртфиналето.
Спарс платија висока цена за очајно слабиот настап со хрватскиот шампион.
Тотенхем притисна во завршницата, но Динамо се држеше и со право заслужи место во жрепката за четвртфиналето што ќе се одржи денеска во 13 часот. Би било неправедно на Динамо да останеше без овој триумф кој ќе заземе посебно место во неговата историја - ова е негово прво четвртфинале на Еврокупот по 51 година.
„Наместо да го претворат гостувањето кај Динамо во очекувана формалност, играчите на Тотенхем понудија анемична игра што беше целосна спротивност на она што го покажаа домаќините. Мислав Оршиќ ги донесе до победа со прекрасен хет-трик“, напиша угледниот Guardian.
Џејмс Дикенс, познат англиски новинар и навивач на Тотенхем, објави твит за вчерашниот дебакл на Спарс што стана мегахит.
„Динамо изгледа се подобро менаџирани од Тотенхем, а тренерот им е во затвор”.
Динамо до вчера го водеше Зоран Мамиќ, кој беше осуден на четири години и осум месеци затвор за учество во грабеж на 115,9 милиони куни од Динамо.
Набргу по објавата, статусот на Дикенс стана вирален.