Не е сеедно какво кафе пиете. Нова студија покажа дека незасладеното кафе или кафето со малку шеќер може да ви помогне подолго да живеете.
Во студија објавена во списанието Annals of Internal Medicine, научници од медицинскиот факултет Гуангжу во Кина разгледале податоци од над 171.000 учесници во анкета за здравје. Резултатите покажале дека по 7 години испитување, оние кои пиеле незасладено кафе имале 16 до 20 проценти помали шанси да умрат за разлика од оние кои воопшто не пиеле каде.
Тие бројки пораснала на 29 до 31 процент кога станувало збор за учесниците кои во кафето редовно додавале една лажичка шеќер.
„Иако резултатите се интересни, не се некакво изненадување бидејќи постојат многу податоци кои го потврдуваат кафето како здрав пијалак“, вели нутриционистот Дејна Елинс за Ит Тис.
Црното кафе без шеќер е најздраво бидејќи ги содржи сите здрави полифеноли и антиоксиданси на кафето, без некакви воспалителни состојки кои можат да се најдат во премногу шеќер или кремасти адитиви, објаснува Дејна.
Што се однесува до кафето засладено со шеќер, нутриционистот напомнува дека во основа тоа има ист ефект, бидејќи една мала лажичка шеќер е многу мала кога ќе се земе обѕир целата шема на добро балансирана исхрана.