Трите најреномирани италијански спортски весници во ист ден излегоа со тврдење дека Пауло Дибала и Интер ги договориле условите и дека трансферот е веќе готова работа.
Весникот со препознатливи розеви страници на својата насловна страница излезе со натпис „Договор со Интер“, „Дибала, прво да“ и „Ла Хоја се согласи, недела дена до потписот“.
Гаѕета тврди дека Аргентинецот по сезона ќе заработува 6 милиони евра плус бонуси.
Воедно, доаѓањето на Дибала не значи откажување на Интер од Ромелу Лукаку. Гаѕета вели дека Интер го понудил холандскиот латерален бек Дензел Думфрис како дел од зделката со која Лукаку би дошол на „Меаца“.
Вториот по реноме италијански спортски весник во денешниот број наведе слични тврдења. На својата насловна објави натпис „Менаџерите се во седиштето, на маса е 4-годишен договор“ и „Дибала во Интер, прва понуда“.
За разлика од Гаѕета, Кориере вели дека понудениот договор изнесува 5,5 милиони евра по сезона.
И изворите на Кориере велат дека се засилува и притисокот кон Челси за Лукаку.
Весникот кој важи за близок до Јувентус излезе со наслов „Дибала во Интер е готова работа“ и пишува „Синоќа состанок во менаџерот кој треба да ја даде последната согласност“.
Тутоспорт наведува и дека „при развод секогаш страдаат навивачите“ алудирајќи на тоа дека навивачите не се среќни со изборот на Дибала бидејчи се работи за најголемиот ривал на Јуве.
