Големата надеж на македонскиот тенис, Калин Ивановски, обезбеди пласман меѓу 16-те најдобри на јуниорскиот турнир во Вимблдон, откако денеска го совлада Литванецот Едас Бутвилас со 2:0.
По сетови, Ивановски триумфираше со 7-6(4), 7-6(6).
Противник на македонскиот тенисер за влез во четвртфиналето ќе му биде домашниот Џек Пинингтон Џонс, кој е седми носител на турнирот во Вимблдон.
Македонскиот тенисер во првото коло го совлада десетиот носител, Американецот Дејли Бланч, со 7:5, 7:6(4).
