Министерството за внатрешни работи во текот на вчерашните засилени акциски контроли, во периодот од 22:00 до 4:00 часот, на територијата на Републиката изрече 215 казни за возачи кои управувувале возила под дејство на алкохол.
Од нив, како што информираат од МВР, 65 се на територија на СВР Битола, 42 на територија на СВР Скопје, 27 на територија на СВР Охрид…
А, пак, во текот на вчерашните засилени акциски контроли на територија на град Скопје изречени се вкупно 202 мерки, меѓу кои за возење повеќе од дозволената брзина 90 санкции, 42 мерки за возење под дејство на алкохол, 12 мерки за возење без возачка дозвола, а 6 за возач почетник.
„Засилените акциски контроли продолжуваат и во наредните денови. Граѓаните да ги почитуваат сообраќајните правила и прописи за да се зголеми безбедноста во сообраќајот“, апелира МВР.
„Полицијата казни 45 возачи во Куманово заради непочитување на сообраќајните правила и прописи“, соопшти денеска СВР Куманово. 18 возачи се санкционирани за возење под дејство на алкохол, 27 поради возење со поголема брзина.
Синоќа од 22:00 до 4:00 на територија на СВР Куманово спроведена е зајакната акциска контрола за санкционирање на возачи кои управуваат возило под дејство на алкохол, при што санкционирани се 18 возачи, од кои 16 во Куманово и 2 во Крива Паланка.
На територија на Куманово вчера спроведена е зајакната акциска контрола за санкционирање на возачи кои управуваат возило со брзина поголема од пропишаната, при што санкционирани се 27 возачи.
