Добропознато е дека јодот ги уништува вирусите и бактериите. Она што многумина не го знаат е дека јодот е неопходен минерал што нашето тело не може да го произведе. Јодот мора да биде задолжителен во секојдневната исхрана. Најмногу се наоѓа во алги, морска риба и сол.
Јодот го намалува оксидативниот стрес што се јавува во имунолошкиот систем на организмот, а имунитетот зависи од правилната работа на метаболизмот.
Резултатите од студијата Randers-Skagen, објавена на веб-страницата на The National Center for Biotechnology Information, докажуваат дека исхраната богата со јод е директно поврзана со долговечноста кај постарите лица. Испитаниците биле следени 20 години. Содржината на јод во вода во Скаген е 70 пати поголема отколку во Рандерс (139 микрограми наспроти 2 микрограми). Смртноста се следела до 2017 година. Живеењето во животната средина богата со јод може да биде клучот за долговечноста.
Последици од недостаток на јод може да бидат замор, депресија, слаба концентрација.
Ова се знаците дека имате недостаток на јод: се чувствувате уморно, почнавте да заборавате, депресивни сте и вознемирени, срцето ви чука побавно. Проблемите со тироидната жлезда може да бидат причина за голем број психијатриски нарушувања, почнувајќи од депресија, анксиозност, па дури и психоза.
Соодветниот внес на јод е единствената ефективна превенција. Зголемете го внесот на јод во вашата исхрана. Јапонците земаат 1-3 мг јод на ден.
