Никола Јокиќ продолжува да руши рекорди. Вонсерискиот српски центар по десетти пат во кариерата е прогласен за најдобар играч на Западната конференција. Со тоа се изедначи со Кармело Ентони, кој е кошаркарот кој најмногу пати во историјата на Денвер ја освојувал оваа престижна награда.
Центарот на Нагетс беше неверојатен минатата недела бидејќи имаше просек од 36,3 поени, 11,3 скока и 10 асистенции по натпревар.
Покрај тоа, имаше неверојатно прецизен шут од 65%, а шутираше тројки со 40% прецизност. Најпрво на Лос Анџелес Клиперс им даде 49 поени со 14 скока и 10 асистенции, а потоа против Мемфис Гризлис имаше 26 поени, 12 асистенции и 11 скока.
Последниот натпревар оваа недела го одигра против Детроит Пистонс кои исто така не можеа да го запрат. Натпреварот го заврши со 34 поени, 9 скока и 8 асистенции.
Засега е втор во НБА по бројот на скокови, седми по постигнати поени по натпревар и деветти најдобар асистент во лигата, а доколку продолжи вака би можел дури и да ја одбрани титулата МВП освоена минатата сезона.
