НБА лигата ги објави имињата на финалистите за годинашната награда за најкорисен играч (МВП).
Центарот на Денвер Нагетс, Никола Јокиќ, центарот на Филаделфија 76ерс, Жоел Ембиид и плејмејкерот на Голден Стејт Вориорс, Стеф Кари, влегоа во потесниот избор за наградата МВП.
Доколку Јокиќ и Ембиид ја добијат наградата, тоа ќе биде првпат таа да заврши во рацете на центар по Шекил О'Нил во 2000 година.
Од друга страна, ако го победи Кари, тој ќе стане еден од деветте играчи во историјата на НБА лигата, кој ќе освои најмалку три МВП награди, врзувајќи го за Меџик Џонсон, Лери Брд и Моузес Мелоун.
Јокиќ имаше една од најдобрите напаѓачки сезони во историјата на НБА лигата со просек од 26,4 поени, 10,8 скока и 8,3 асистенции по натпревар со вкупен процент на удари од 56,6 проценти, или 38,8 проценти за три поени и 86,8 проценти надвор од линија за слободни фрлања. Тој е голем фаворит за наградата МВП.
Ембиид ја одигра најдобрата сезона во својата кариера со просек од 28,5 поени, 10,6 скока, 2,8 асистенции и 1,4 блокада по натпревар за Филаделфија и го предводеше својот тим до најдобриот резултат во Источната конференција.
Триесет и тригодишниот Кари стана најстариот играч што ја предводи лигата по бројот на освоени поени од Мајкл Џордан. Неговиот просек по натпревар е 32 поени.
