Џејк Пол е еден од најплатените боксери во светот откако во неговата кратка кариера заработи доста пари. Има 24 години и пет борби од кои четири професионални.
Според неговите тврдења, од борбите заработил повеќе од 25 милиони фунти, а десетина милиони секоја година инкасира од неговите видеа на YouTube.
Борбата со Томи Фјури требаше да му донесе најголема заработка досега, но наместо тоа се бореше против поранешната УФЦ ѕвезда Тајрон Вудли кој го совлада по втор пат.
Фјури мораше да се повлече откако се здоби со скршено ребро и бактериска инфекција.
Пол во досегашната кариера има пет победи и ниту еден пораз, а многумина се прашуваат каква кариера може да направи, но младиот боксер е прилично доста самоуверен.
„За денешниве деца изгледам како Мајк Тајсон. Нивните дедовци ги имале Мухмаед Али и Мајк Тајсон, нивните татковци го имале Флојд Мејведер, а оваа генерација го има Џејк Пол“, вели тој.
